Tshilanu Pekuakamiulnuatsh (tshilanu ushkatsh ka taiku ute Pekuakamitsh) apu tashep peikuitsh uhtsh taiku. Mamu ishinakun utilniunnu ashitsh Anishnapeulnuatsh ute tshitutshinanu ka uhtsh nukushit pishim Utenu (Canada). Ueshkatsh tshitanashkutapan mushuminuatsh e nituhutau, e kussetau mahk e maushitatau minishilu uhtsh ilniuipantsh. Shakahikanilu mahk shipulu ishapatshitapants e kushpitau mishue nuhtshimiussitsh. Ekuan nelu uiluau u meshkanamuau mishue e aitutetau nite Nitassinan: nuhtshimiussi.

Ushkatsh ka taiku nite Saguenay-Shash 5 000 pipuna eshpish takuatsh ume shakahikan (Pekuakami). Ekuan tshetshipalitsh tshitipatshimunnu, tshilanu Pekuakamiulnuatsh. Shash ute tshetshi tananu mishkueka petakanitsh utehtshe aimiheun, kie mishkueka nete mishta katak ka tshimitakanitsh ka mishta mishatsh ashiniutshuap nite ka alakanitau ka mishta ishpitelimakanitau ueshkatsh utshimautsh nete Egypte ka ishinikatetsh mahk mishkueka takushik utehtshe Christophe Colomb.

Nashimuk nitipatshimunnan, miam e pamuhteiek nite ni nuhtshimiussinantsh kie miam e pamishkaiek nite ni shipiminantsh tshetshi natshuapatamek mishue ka aituteiatsh nite ka uhtsh tshitshipalitsh nitipatshimunnan kie eka nita tshe punitatsh ne tipatshimun tashep tshika shaputuepalu.

Ni miluelitenan e takushiniek nite e taiatsh nilan Pekuakamiulnuatsh, ni minuelitenan e takushiniek  ute  nitshinatsh.